ಪ್ರಸ್ತುತ್ 2026 ವೆಂ ವರಸ್ ಭುರ್ಗ್ಯಾಂಚೆಂ ವರಸ್ ಜಾವ್ನ್ ಆಚರಣ್ ಕರುಂಕ್ ಗೊವ್ಳಿಬಾಪಾಂನಿ ದಿಲ್ಲೊ ಉಲೊ ಮಾನುನ್ ಘೆವ್ನ್, ಆಮ್ಚ್ಯಾ ಫಿರ್ಗಜೆಂತ್ ಜನೆರ್ 11, 2026 ವೆರ್ ಆಯ್ತಾರಾ ದಿಸಾ, 10:00 ವರಾಂಚ್ಯಾ ಭುರ್ಗ್ಯಾಂಚ್ಯಾ ಮಿಸಾ ವೆಳಾರ್ ಭುರ್ಗ್ಯಾಂಚ್ಯಾ ವರ್ಸಾಚೆಂ ಉಗ್ತಾವಣ್ ಕೆಲೆಂ. ವಿಗಾರ್ ಬಾಪಾಂನಿ ಹೆಂ ಉಗ್ತಾವಣ್ ಚಲೊವ್ನ್ ವ್ಹೆಲೆಂ. ಸಹಾಯಕ್ ವಿಗಾರ್ ಬಾಪ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್, ಕಾರ್ಯದರ್ಶಿ, ಸರ್ವ್ ಆಯೋಗಾಂಚೊ ಸಂಯೋಜಕ್ ಆನಿ ದೊಗಾಂ ಭುರ್ಗ್ಯಾಂನಿ ಸಾಂಗಾತ್ ದಿಲೊ. ಉಪ್ರಾಂತ್ ಭುರ್ಗ್ಯಾಂಚ್ಯಾ ವರ್ಸಾಚೆಂ ಮಾಗ್ಣೆಂ ಮ್ಹಣುನ್ ಸರ್ವ್ ಭುರ್ಗ್ಯಾಂ ಪಾಸತ್ ಮಾಗ್ಣಿಂ ಭೆಟಯ್ಲಿಂ.